काठमाडौं — नेपाली बजारमा आज सुनचाँदीको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार आज सुनको मूल्य तोलामा ५४ सय रुपैयाँले घटेको हो।
यससँगै आज छापावाल सुनको मूल्य तोलामा ३ लाख २ हजार ३ सय रुपैयाँ कायम भएको छ। हिजो सुन प्रतितोला ३ लाख ७ हजार ७ सय रुपैयाँमा कारोबार भएको थियो। यसअघि हिजो पनि २ हजार २०० रुपैयाँले मूल्य घटेको थियो। दुई दिनमै सुनको मूल्य कुल ७ हजार ६ सय रुपैयाँले घटेको देखिएको छ।
यस्तै, चाँदीको मूल्यमा पनि गिरावट आएको छ। आज चाँदी तोलामा १४० रुपैयाँले घटेर ५ हजार १० रुपैयाँमा कारोबार भइरहेको छ। हिजो चाँदी तोलामा ५ हजार १५० रुपैयाँमा किनबेच भएको थियो।
पछिल्ला दिनहरूमा लगातार मूल्य घटेसँगै बजारमा सुनचाँदीको कारोबारमा असर पर्ने अनुमान गरिएको छ। व्यापारी तथा उपभोक्ताहरूले मूल्य घटबढलाई नजिकबाट नियालिरहेका छन्।
Leave a Reply