धनगढी – सुदूरपश्चिम प्रदेशमा प्रतिनिधि सभा सदस्य निर्वाचनअन्तर्गत मतदान सम्पन्न भएको छ । प्रदेश निर्वाचन आयोगका अनुसार प्रदेशभर कुल ५०.९ प्रतिशत मतदान भएको छ।
प्रदेशका ९ जिल्लामा रहेका कुल १७ लाख १६ हजार ६ सय ६० मतदातामध्ये ८ लाख ७४ हजार १ सय ७७ जनाले आफ्नो मताधिकार प्रयोग गरेका छन्।
तथ्यांकअनुसार कञ्चनपुर जिल्लामा सबैभन्दा बढी ५८.६ प्रतिशत मतदान भएको छ। यहाँ ३ लाख १४ हजार ३ सय ८५ मतदातामध्ये १ लाख ८४ हजार ३ सय १६ जनाले मतदान गरेका छन्।
सबैभन्दा कम मतदान अछाम जिल्लामा भएको छ। अछाममा १ लाख ६५ हजार ३ सय ३७ मतदातामध्ये ६४ हजार ७ सय ८० जनाले मतदान गरेका छन्, जसले कुल ३९.२ प्रतिशत मतदान भएको देखाउँछ।
प्रदेशकै सबैभन्दा धेरै मतदाता संख्या रहेको कैलाली जिल्लामा ५५.४ प्रतिशत मतदान भएको छ। यहाँ ५ लाख ५१ हजार ५२ मतदातामध्ये ३ लाख ५ हजार १ सय २२ जनाले मत दिएका छन्।
त्यस्तै दार्चुलामा ९२ हजार ९ सय ४८ मतदातामध्ये ४९ हजार ९ सय ६८ जनाले मतदान गरेका छन्, जहाँ ५३.८ प्रतिशत मतदान भएको छ। बाजुरामा ८७ हजार ८ सय ६१ मतदातामध्ये ४६ हजार २ सय ३२ जनाले मतदान गरेका छन्, जुन ५२.६ प्रतिशत हो।
डडेलधुरामा ९३ हजार ४ सय ३ मतदातामध्ये ४५ हजार ९ सय ९ जनाले मतदान गरेका छन्, जहाँ ४९.२ प्रतिशत मत खसेको प्रदेश निर्वाचन कार्यालयका प्रमुख प्रेमराज भट्टले जानकारी दिए।
यसैगरी बैतडीमा १ लाख ५६ हजार ३ सय ७२ मतदातामध्ये ७३ हजार १ सय ४८ जनाले मतदान गरेका छन्, जसअनुसार यहाँ ४६.८ प्रतिशत मतदान भएको छ। बझाङमा १ लाख २६ हजार ९ सय ३ मतदातामध्ये ५२ हजार २ सय १७ जनाले मतदान गरेका छन्, जहाँ ४१.१ प्रतिशत मत खसेको छ।
डोटी जिल्लामा १ लाख २८ हजार ३ सय ९९ मतदातामध्ये ५२ हजार ४ सय ८५ जनाले मतदान गरेका छन्, जसअनुसार ४०.९ प्रतिशत मतदान भएको छ।
समग्र तथ्यांक हेर्दा सुदूरपश्चिम प्रदेशका तराई जिल्लाहरूमा पहाडी जिल्लाको तुलनामा मतदान प्रतिशत केही बढी देखिएको छ।
Leave a Reply