काठमाडौं – बेनी हाइड्रोपावर प्रोजेक्ट लिमिटेडले भदौ २२ गतेदेखि आईपीओ निष्काशन गर्ने भएको छ। कम्पनीले पहिलो चरणमा आयोजना प्रभावित क्षेत्रका स्थानीय बासिन्दा र वैदेशिक रोजगारीमा रहेका नेपालीहरूका लागि आईपीओ बाँडफाँड गरिसकेकाले अब सर्वसाधारणका लागि निष्काशन गर्न लागेको हो ।
कम्पनीले आफ्नो जारी पूँजी १ अर्ब ४ करोड रुपैयाँको २० प्रतिशत अर्थात् २० लाख ८० हजार कित्ता आईपीओ निष्काशन गर्ने अनुमति पाएको थियो। जसमध्ये १० लाख ४० हजार कित्ता आयोजना प्रभावित क्षेत्रका स्थानीय बासिन्दाका लागि र १ लाख ४ हजार कित्ता वैदेशिक रोजगारीमा रहेका नेपालीका लागि बाँडफाँड गरिसकेको छ।
अब बाँकी शेयरमध्ये २० हजार ८०० कित्ता शेयर कम्पनीमा कार्यरत कर्मचारीहरूका लागि र ५२ हजार कित्ता सामूहिक लगानी कोषहरूका लागि सुनिश्चित गरी बाँकी रहेको ८ करोड ६३ लाख २० हजार कित्ता शेयर सर्वसाधारणका लागि निष्काशन गर्न लागेको हो।
उक्त आईपीओमा आवेदन दिंदा न्यूनतम १० कित्ताका लागि र अधिकतममा १० हजार कित्ताका लागि आवेदन दिन सकिनेछ। निष्काशन बन्द छिटोमा भदौ २५ गते र ढिलोमा असोज ५ गते हुनेछ। कम्पनीको शेयर निष्काशन तथा बिक्री प्रबन्धक एनएमबि लिमिटेड रहेको छ।
Leave a Reply