एभरेष्ट कलरको आईपीओ सूचीकृत, ओपनिङ रेञ्ज कति?

काठमाडौं । आज बिहीबार नेपाल स्टक एक्सचेन्ज लिमिटेड (नेप्से) र एभरेष्ट कलर लिमिटेडबीच प्रतिकित्ता १०० रुपैयाँ अंकित मूल्यका कुल ३० लाख कित्ता शेयर सूचीकरण गर्ने सम्झौता भएको छ।

कम्पनीले आईपीओ मार्फत सर्वसाधारणमा वितरण गरिएको ७ लाख ९० हजार कित्ता (२६.३३ प्रतिशत) र कम्पनीका संस्थापक शेयरधनीहरूले लगानी गरेको २२ लाख १० हजार कित्ता (७३.६७ प्रतिशत) गरी जम्मा ३० लाख कित्ता शेयर नेप्सेमा सूचीकृत भएको हो।

अब कम्पनीको धितोपत्र दोस्रो बजारको कारोबार भोलि साउन १ गते शुक्रबारबाट कारोबार हुनेछ। प्रथम कारोबारका लागि नेप्सेले कम्पनीलाई न्यूनतम प्रतिकित्ता १०० रुपैयाँदेखि अधिकतम प्रतिकित्ता ३०० रुपैयाँसम्म ओपनिङ रेञ्ज तोकेको छ।