काठमाडौं — रिलायबल इन्भेष्टमेन्ट एण्ड मर्चेन्ट क्यापिटल लिमिटेडले आजदेखि सामूहिक लगानी कोष अन्तर्गत सञ्चालन हुने ‘रिलायबल समृद्धि योजना २’ को इकाई निष्काशन खुला गरेको छ। बन्दमुखी प्रकृतिको यस योजनाको कुल आकार १ अर्ब रुपैयाँ रहेको छ।
क्यापिटलले प्रतिइकाई १० रुपैयाँ अंकित दरमा कुल १० करोड इकाई निष्काशन गरेको हो। निष्काशित कुल इकाईमध्ये १४ प्रतिशत अर्थात् १ करोड ४० लाख इकाई कोष प्रवर्द्धक रिलायबल नेपाल लाइफ इन्स्योरेन्सका लागि सुरक्षित गरिएको छ भने योजना व्यवस्थापक रिलायबल क्यापिटललाई १ प्रतिशत अर्थात् १० लाख इकाई छुट्याइएको छ। बाँकी रहेको ८ करोड ५० लाख इकाईमा सर्वसाधारण लगानीकर्ताले आवेदन दिन सक्नेछन्।
यस योजनामा लगानी गर्न चाहने लगानीकर्ताले न्यूनतम १०० कित्ता देखि अधिकतम १ करोड कित्तासम्म आवेदन दिन सक्ने व्यवस्था गरिएको छ।
इकाई निष्काशनमा छिटोमा जेठ १ गतेसम्म आवेदन दिन सकिनेछ। सो अवधिसम्म पर्याप्त आवेदन नपरेमा आवेदन अवधि जेठ १२ गतेसम्म लम्बिन सक्ने क्यापिटलले जनाएको छ।
Leave a Reply