काठमाडौं — एनसेलका ग्राहकले ट्रान्क्विलिटी स्पा का स्पा तथा सौन्दर्य सेवामा विशेष छुट र एउटा सेवा लिँदा अर्को निःशुल्क पाउने सुविधा पाउने भएका छन्। दुई कम्पनीबीच भएको नयाँ साझेदारीअन्तर्गत यस्तो सुविधा ल्याइएको हो।
रु ४९९ वा सोभन्दा बढी मूल्यको पूर्वभुक्तानी प्याक वा पश्चात् भुक्तानी योजना लिने ग्राहकले विशेष मालिस, शरीरको छाला सफाइ, शिरोधारा र विशेष अनुहार स्याहार मा एक किन्दा अर्को निःशुल्क सुविधा पाउनेछन्। एक्लै सेवा लिन चाहने योग्य ग्राहकलाई स्पा सेवामा २५ प्रतिशत र सौन्दर्य सेवामा २० प्रतिशत छुटको व्यवस्था छ।
रु ९९ देखि रु ४९९ भन्दा कम मूल्यको प्याक वा प्लान भएका युवा तथा सामान्य ग्राहकले स्पा सेवामा २० प्रतिशत छुट पाउनेछन् भने पर्यटकका लागि १० प्रतिशत छुटको व्यवस्था छ।
समझदारी एनसेलका उत्पादन निर्देशक ललित शारदा र ट्रान्क्विलिटी स्पा का प्रमुख सञ्चालन अधिकृत रणिल फैजु बीच आदानप्रदान भएको हो। ग्राहकले एनसेल एप को साझेदार सेवा मार्फत उपलब्ध सुविधा हेरेर प्रयोग गर्न सक्नेछन्।
Leave a Reply