काठमाडौं — बालेन्द्र शाह नेतृत्वको सरकारमा सुदन गुरुङ पुनः गृहमन्त्रीका रूपमा फर्किने भएका छन् । उनलाई आजै पद तथा गोपनीयताको सपथ गराइने तयारी गरिएको छ ।
प्रधानमन्त्री कार्यालय स्रोतका अनुसार आज दिउँसो ३ बजे राष्ट्रपति कार्यालयमा सपथ समारोह हुने गरी आवश्यक पत्राचार भइसकेको छ ।
यसअघि सम्पत्ति सम्बन्धी विभिन्न विवाद सार्वजनिक भएपछि गुरुङले गृहमन्त्री पदबाट राजीनामा दिएका थिए । सो विषयमा छानबिन गर्न सरकारले समिति गठन गरेको थियो । समितिको प्रतिवेदनले उनलाई सफाइ दिएपछि पुनः गृहमन्त्रीमा नियुक्त गर्ने निर्णय भएको हो ।
