काठमाडौं — नेपाल राष्ट्र बैंकले मंगलबारका लागि तोकेको विनिमय दरअनुसार प्रमुख विदेशी मुद्राहरूको भाउमा सामान्य वृद्धि देखिएको छ। विशेषगरी अमेरिकी डलर र युरोको मूल्य अघिल्लो दिनको तुलनामा बढेको छ।
आज अमेरिकी डलर एकको खरिद दर १५१ रुपैयाँ ८५ पैसा र बिक्री दर १५२ रुपैयाँ ४५ पैसा कायम भएको छ। सोमबार भने यसको खरिद दर १५१ रुपैयाँ ५६ पैसा र बिक्री दर १५२ रुपैयाँ १६ पैसा रहेको थियो।
त्यस्तै, युरोको खरिद दर १७७ रुपैयाँ ६८ पैसा र बिक्री दर १७८ रुपैयाँ ३८ पैसा पुगेको छ। अघिल्लो दिन यसको खरिद दर १७७ रुपैयाँ ६४ पैसा र बिक्री दर १७८ रुपैयाँ ३५ पैसा थियो।
अन्य मुद्रातर्फ बेलायती पाउण्ड स्टर्लिङको खरिद दर २०५ रुपैयाँ ६५ पैसा र बिक्री दर २०६ रुपैयाँ ४६ पैसा रहेको छ। स्वीस फ्रयांकको खरिद दर १९३ रुपैयाँ ७० पैसा र बिक्री दर १९४ रुपैयाँ ४६ पैसा कायम भएको छ।
यस्तै, अष्ट्रेलियन डलरको खरिद दर १०९ रुपैयाँ ०४ पैसा र बिक्री दर १०९ रुपैयाँ ४७ पैसा रहेको छ भने जापानी येन (१० एकाइ) को खरिद दर ९ रुपैयाँ ६६ पैसा र बिक्री दर ९ रुपैयाँ ७० पैसा निर्धारण गरिएको छ।
दक्षिण कोरियन वन (१०० एकाइ) को खरिद दर १० रुपैयाँ ३१ पैसा र बिक्री दर १० रुपैयाँ ३५ पैसा रहेको छ।
नेपाल राष्ट्र बैंकका अनुसार विदेशी विनिमय दर बजारको अवस्था अनुसार परिवर्तन हुन सक्नेछ।
