काठमाडौं – भारत भ्रमणमा रहेका राष्ट्रिय स्वतन्त्र पार्टी (रास्वपा) का सभापति रवि लामिछाने र भारतीय विदेशमन्त्री एस जयशङ्करबीच भेटवार्ता भएको छ। उनीहरूबीच भएको छलफल भारत–नेपाल विकास साझेदारी तथा जनस्तरका सम्बन्धहरूमा केन्द्रित रहेको र यी सम्बन्धहरूले विकास र समृद्धिलाई प्रवर्द्धन गर्न महत्त्वपूर्ण भूमिका खेल्ने बताइएको छ।
नयाँ दिल्लीमा आज रास्वपाका सभापति लामिछाने तथा उनको प्रतिनिधिमण्डलसँग भेट्न पाउँदा खुसी लागेको भारतका विदेशमन्त्री जयशङ्करले सामाजिक सञ्जालमार्फत् उल्लेख गरेका छन्।
सभापति लामिछाने नेतृत्वको प्रतिनिधिमण्डल भाजपाको निमन्त्रणामा पाँच दिने भारत भ्रमणका लागि सोमबार नयाँ दिल्ली प्रस्थान गरेको हो। सभापति लामिछाने नेतृत्वको भ्रमण टोलीमा सहभागी सदस्यहरू निम्न हुनुहुन्छ ।
निकिता पौडेल (सभापति लामिछानेकी धर्मपत्नी)
विपीनकुमार आचार्य (रास्वपा सहमहामन्त्री तथा प्रतिनिधिसभा सदस्य)
दीपक बोहरा (रास्वपा सचिवालय सदस्य तथा प्रतिनिधिसभा सदस्य)
प्रदीप आचार्य (स्वकीय सचिव)
