काठमाडौं — अन्तर्राष्ट्रिय बजारमा सुनको मूल्यमा गिरावट आउने क्रमले निरन्तरता पाएको छ। सोमबार सुनको मूल्य ६ अमेरिकी डलर अर्थात् ०.१५ प्रतिशतले घट्दै प्रतिऔंस ४ हजार डलरभन्दा तल झरेको हो।
पछिल्लो गिरावटसँगै अन्तर्राष्ट्रिय बजारमा सुनको मूल्य तीन महिनाभन्दा बढी समययताकै न्यूनस्तर नजिक पुगेको छ। सुनको मूल्यमा लगातार गिरावट आउन थालेपछि आगामी दिनमा यसको बजार दिशा कस्तो रहने भन्ने चासो बढेको छ।
मध्यपूर्वमा बढ्दो भूराजनीतिक तनाव तथा यसै साता प्रमुख केन्द्रीय बैंकहरूले गर्ने ब्याजदरसम्बन्धी निर्णयलाई लगानीकर्ताले नजिकबाट नियालिरहेका छन्। केन्द्रीय बैंकहरूको ब्याजदरसम्बन्धी निर्णयले सुनको मूल्यमा थप प्रभाव पार्न सक्ने आकलन गरिएको छ।
अन्तर्राष्ट्रिय बजारमा सुनको मूल्य अमेरिकी डलरको उतारचढाव, ब्याजदरसम्बन्धी अपेक्षा तथा लगानीकर्ताको जोखिमप्रतिको धारणाबाट प्रभावित हुने गर्छ। त्यसैले आगामी दिनमा डलरको अवस्था र केन्द्रीय बैंकहरूको नीतिगत निर्णयले सुनको मूल्यको दिशा निर्धारण गर्न महत्त्वपूर्ण भूमिका खेल्ने देखिन्छ।
Leave a Reply