आईसीसी विश्वकप क्रिकेट लिग–२ अन्तर्गत अमेरिकाविरुद्धको खेलमा नेपाल बिजयी

आईसीसी विश्वकप क्रिकेट लिग–२ अन्तर्गत नेपाल र अमेरिका बिच भएको खेलमा नेपालका ओपनर कुशल भुर्तेलको शतकको मद्धतले नेपाल ९ विकेटले बिजयी भएको छ । कुशलले ११७ बलमा १२० रनको अविजित शतकीय इनिन्स खेले ओडिआईमा उनको यो दोस्रो शतक हो । टस जिती पहिला ब्याटिङ गरेको अमेरिकाले ४३.३ ओभरमा सबै बिकेट गुमाई १९५ रन मात्र बनायो । अमेरिकाले दिएको १९६ को सामान्य लक्ष्य नेपालले ३६.४ ओभरमा भेटायो । बलिङमा नेपालका लागि दीपेन्द्रले ४,सोमपाल कामीले २ तथा सन्दीप लामिछानेले एक र गुल्सन झाले एक विकेट को योगदान दिए ।