काठमाडौं — चालु आर्थिक वर्ष सुरु भएसँगै नेप्सेमा सूचीकृत कम्पनीहरूले वार्षिक तथा विशेष साधारणसभा गर्न थालेका छन्। हालसम्म बैंक, वित्त कम्पनी, जलविद्युत् र लघुवित्त क्षेत्रका विभिन्न कम्पनीले सभा सम्पन्न गरेका छन्।
वाणिज्य बैंकतर्फ एभरेस्ट बैंकले ५ प्रतिशत बोनस र १० प्रतिशत नगद लाभांश पारित गरेको छ भने सानिमा बैंकले १० प्रतिशत नगद लाभांश स्वीकृत गरेको छ।
विकास बैंक तथा वित्त कम्पनीतर्फ कामना सेवा विकास बैंकले १५ प्रतिशत र आईसीएफसी फाइनान्सले १०.५२ प्रतिशत नगद लाभांश पारित गरेका छन्।
जलविद्युत्तर्फ सुपर मादी हाइड्रोपावरले १५ प्रतिशत बोनस र ०.७८९४७ प्रतिशत नगद लाभांश, केवेली हाइड्रोपावरले १६.३१ प्रतिशत तथा माण्डू हाइड्रोपावरले १२ प्रतिशत नगद लाभांश पारित गरेका छन्। मनकामना इन्जिनियरिङ र सानिमा हाइड्रोपावरले पनि साधारणसभा सम्पन्न गरेका छन्।
लघुवित्ततर्फ जीवन विकास, मानुषी र युनिक नेपाल लघुवित्तले विशेष साधारणसभामार्फत मर्जरसम्बन्धी प्रस्ताव अघि बढाएका छन्।
समग्रमा कम्पनीहरूको साधारणसभामा लाभांश, पुँजी वृद्धि, हकप्रद शेयर, सञ्चालक निर्वाचन र मर्जर मुख्य एजेन्डा बनेका छन्।
Leave a Reply