चन्द्र पन्त निर्देशित नेपाली चलचित्र आबाट आमाले प्रदर्शनका केही हप्ता भित्रै घरेलु चलचित्र घरका बक्सअफिसबाट निकै प्रभावशाली आम्दानी गरेको छ । फिल्मले १५ दिनभित्रै नै घरेलु बजारमा ७ करोड ५ लाख रुपैयाँभन्दा बढी ग्रस कमाइसकेको छ ।
निर्माण लागत करिब १ करोड ६० लाख रुपैयाँ मात्र रहेको यस फिल्मलाई दर्शकले राम्रो साथ दिएका कारण रात्रीकालीन शोसमेत गर्दा कमाइ थप बढ्ने अपेक्षा गरिएको छ ।
यसैबीच, विदेशमा पनि फिल्मको प्रदर्शनले आम्दानीमा योगदान दिएको छ । निर्माताका अनुसार विदेशी बजारबाट करिब १ करोड ७२ लाख रुपैयाँसम्म ग्रस आय हासिल भएको छ । यसमा अमेरिकाबाट मात्र १ करोड रुपैयाँको कमाइ भएको बताइएको छ ।
यी सबै रकम जोड्दा ‘आबाट आमा’ले विश्वभरि करिब ८ करोड ७२ लाख रुपैयाँ जतिको कुल ग्रस कलेक्सन बनाएको छ । क्यानडा र बेल्जियममा पनि आगामी दिनमा फिल्म प्रदर्शन हुने कार्यक्रम तय हुँदैछ ।
चलचित्रमा मुख्य भूमिका निभाएका पल शाहका लागि यो फिल्म एक उल्लेखनीय सफलता संकेत भएको छ । ‘आबाट आमा’ले उनलाई सोलो लिड फिल्मका रूपमा ठूलो दर्शक मनपराइ कमाइमा टेवा पुर्याएको छ ।
