काठमाडौं । नेपाली बजारमा बिहीबार सुनको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार आज सुन प्रतितोला २ हजार ९०० रुपैयाँले घटेको हो।
आज छापावाल सुनको मूल्य प्रतितोला २ लाख ८५ हजार ६०० रुपैयाँ कायम भएको छ भने १० ग्राम सुनको भाउ २ लाख ४४ हजार ८५५ रुपैयाँ निर्धारण गरिएको छ।
यसअघिको कारोबारमा भने सुन प्रतितोला २ लाख ८८ हजार ५०० रुपैयाँ र १० ग्रामको २ लाख ४७ हजार ३४० रुपैयाँमा किनबेच भएको थियो।
सुनसँगै चाँदीको मूल्य पनि घटेको छ। आज चाँदी प्रतितोला १०० रुपैयाँले घटेर ४ हजार ८२० रुपैयाँमा झरेको छ। त्यस्तै, १० ग्राम चाँदीको मूल्य ४ हजार १३३ रुपैयाँ कायम भएको छ।
अघिल्लो दिन चाँदी प्रतितोला ४ हजार ९२० रुपैयाँ र १० ग्रामको ४ हजार २१८ रुपैयाँमा कारोबार भएको थियो। अन्तर्राष्ट्रिय बजारमा भइरहेको मूल्य उतारचढावको प्रभाव नेपाली बजारमा समेत देखिएको महासंघले जनाएको छ।
