पश्चिमी वायुको प्रभाव कायम, देशका विभिन्न स्थानमा वर्षा र हिमपातको सम्भावना

काठमाडौं – नेपालमा हाल पश्चिमी न्यून चापीय प्रणालीसँगै स्थानीय वायुको प्रभाव कायम रहेको ले जनाएको छ। यस प्रणालीका कारण देशका अधिकांश पहाडी तथा हिमाली क्षेत्रमा बदली रही केही स्थानमा वर्षा तथा हिमपातको सम्भावना देखिएको छ।

महाशाखाका अनुसार आज दिउँसो देशको पहाडी र हिमाली भूभागमा सामान्यदेखि पूर्ण बदली रहनेछ भने तराई क्षेत्रमा आंशिक बदली रहने अपेक्षा गरिएको छ। विशेषगरी कोशी र लुम्बिनी प्रदेशका केही स्थानमा चट्याङ्गसहित हल्का वर्षा हुने सम्भावना रहेको छ। साथै उच्च हिमाली क्षेत्रमा हल्का हिमपात पनि हुन सक्ने जनाइएको छ।

यस्तै, रातिको समयमा हिमाली क्षेत्रमा सामान्य बदली रहनेछ भने पहाडी भूभागमा आंशिक बदली कायम रहनेछ। तराई क्षेत्रमा भने मौसम मुख्यतया सफा रहने अनुमान गरिएको छ।

मौसमविद्हरूले चट्याङ्ग र वर्षाका कारण हुन सक्ने जोखिमबाट सतर्क रहन सर्वसाधारणलाई आग्रह गरेका छन्। विशेषगरी पहाडी र हिमाली क्षेत्रमा यात्रा गर्ने तथा कृषिकर्ममा संलग्न व्यक्तिहरूलाई आवश्यक सावधानी अपनाउन सुझाव दिइएको छ।