काठमाडौं – नेपाली बजारमा यस साता सुनको मूल्यमा लगातार उतार–चढाव देखिएको छ। साताको अन्त्यसम्म आइपुग्दा समग्रमा प्रतितोला २ हजार ७ सय रुपैयाँले गिरावट आएको छ।
साताको सुरुवात आइतबार सुनको मूल्यमा उल्लेख्य वृद्धि भएको थियो। आइतबार प्रतितोला ३ हजार ५ सय रुपैयाँले बढ्दै सुनको मूल्य ३ लाख १६ हजार ९ सय रुपैयाँ पुगेको थियो। तर सोमबार भने मूल्य घट्दै प्रतितोला ३ हजार ७ सय रुपैयाँले कमी भई ३ लाख १३ हजार २ सय रुपैयाँमा झरेको थियो।
मंगलबार पुनः सुनको मूल्यमा वृद्धि देखियो। सो दिन प्रतितोला ३ हजार ८ सय रुपैयाँले बढेर सुन ३ लाख १७ हजार रुपैयाँमा कारोबार भयो। बुधबार पनि मूल्य उकालो लाग्दै प्रतितोला २ हजार रुपैयाँले बढेर ३ लाख १९ हजार रुपैयाँ पुगेको थियो।
तर साताको अन्त्यतिर भने बजारमा गिरावट देखियो। बिहीबार प्रतितोला २ हजार रुपैयाँले घट्दै सुनको मूल्य ३ लाख १७ हजार रुपैयाँमा झर्यो। शुक्रबार पुनः २ हजार ८ सय रुपैयाँले घट्दै प्रतितोला ३ लाख १४ हजार २ सय रुपैयाँमा कारोबार भएको छ।
यसरी साताभरको कारोबार विश्लेषण गर्दा नेपाली बजारमा सुनको मूल्य समग्रमा प्रतितोला २ हजार ७ सय रुपैयाँले घटेको देखिएको छ।
Leave a Reply