सुनको मूल्यमा गिरावट, प्रतितोला २ हजार रुपैयाँले घट्यो

काठमाडौँ – नेपाली बजारमा बिहीबार सुनको मूल्य घटेको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला २ हजार रुपैयाँले घटेको हो।

महासंघका अनुसार बिहीबार छापावाल सुनको मूल्य प्रतितोला ३ लाख १७ हजार रुपैयाँ कायम भएको छ। अघिल्लो दिनको तुलनामा आज सुनको मूल्यमा गिरावट देखिएको हो।

यस्तै, चाँदीको मूल्य पनि घटेको छ। चाँदीको मूल्य तोलामा २०५ रुपैयाँले घटेर प्रतितोला ५ हजार ५१५ रुपैयाँ कायम भएको महासंघले जनाएको छ।

अन्तर्राष्ट्रिय बजारको प्रभावसँगै नेपाली बजारमा पनि सुनचाँदीको मूल्यमा उतारचढाव देखिँदै आएको छ।