काठमाडौं – सन् २०२५ मा विद्युतीय गाडी (ईभी) बिक्रीको अनुपातमा नेपाल विश्वमै दोस्रो स्थानमा पुगेको छ।
नयाँ कार बिक्रीमध्ये करिब ७३ प्रतिशत हिस्सा ईभीले ओगटेको अनुमान गरिएको छ, जुन २०१९ मा केवल ८ प्रतिशत मात्र थियो।
युरोपको नर्वे ९७ प्रतिशत नयाँ कार ईभी बिक्रीसहित पहिलो स्थानमा रहेको छ। परिमाणका हिसाबले भने चीन विश्वकै ठूलो बजार बनेको छ, जहाँ २०२५ मा १ करोड ३० लाखभन्दा बढी ईभी बिक्री भएको अनुमान छ।
अमेरिकामा ईभी बिक्री हिस्सा १० प्रतिशत पुगेको छ भने बेल्जियम, नेदरल्यान्ड्स, पोर्चुगल र बेलायतलगायत देशहरूमा पनि उल्लेख्य वृद्धि देखिएको छ।
अन्तर्राष्ट्रिय ऊर्जा एजेन्सीका अनुसार ईभीमा ब्याट्री इलेक्ट्रिक र प्लग–इन हाइब्रिड दुवै सवारीसाधन समावेश हुन्छन्।
Leave a Reply