काठमाडौं — संयुक्त राज्य अमेरिका र इरान बीच बढ्दो सैन्य तनाव चौथो हप्तामा प्रवेश गरेसँगै यसको असर एशियाली शेयर बजारमा स्पष्ट देखिएको छ। सोमबार कारोबार सुरु हुने बित्तिकै एशियाका प्रमुख बजार सूचकहरूमा उल्लेख्य गिरावट आएको हो।
तनाव थप चर्किने संकेतका कारण लगानीकर्तामा त्रास बढ्दा बजारमा बेचबिखनको चाप देखिएको विश्लेषकहरूले बताएका छन्। निक्केई 225 प्रारम्भिक कारोबारमै ४.८ प्रतिशतले घटेको छ भने दक्षिण कोरियाको कोस्पी सूचक ५.५ प्रतिशतभन्दा बढीले ओरालो लागेको छ।
युद्धको सम्भावित जोखिम र अनिश्चितताले अन्तर्राष्ट्रिय ऊर्जा बजार पनि प्रभावित भएको छ। बेन्चमार्क ब्रेन्ट क्रुड को मूल्य ०.८ प्रतिशतले घटेर प्रति ब्यारेल १११.२५ डलरमा झरेको छ। यस्तै, अमेरिकी कच्चा तेलको मूल्य भने ९८.१८ डलरको आसपास स्थिर देखिएको छ।
विशेषज्ञहरूका अनुसार मध्यपूर्वमा बढ्दो तनावले विश्व अर्थतन्त्रमा थप अनिश्चितता सिर्जना गरेको छ। यदि अवस्था चाँडै समाधान नभएमा यसको असर विश्वव्यापी वित्तीय बजार, ऊर्जा आपूर्ति तथा व्यापारमा अझ गहिरो रूपमा देखिन सक्ने अनुमान गरिएको छ।
Leave a Reply