काठमाडौं — अब्बास अरागची नेतृत्वको इरान सरकारले जापानसँग सम्बन्धित जहाजहरूलाई होर्मुज स्ट्रेट हुँदै आवत–जावत गर्न अनुमति दिन सक्ने संकेत दिएको छ।
जापानी समाचार संस्था क्योडो न्युजसँगको अन्तर्वार्तामा इरानी विदेशमन्त्री अरागचीले यस्तो बताएका हुन्। उनका अनुसार, जापानी जहाजहरूमाथि लगाइएको प्रतिबन्ध अस्थायी रूपमा हटाउने विषयमा दुवै पक्षबीच पहिले नै संवाद सुरू भइसकेको छ।
अरागचीको अभिव्यक्तिपछि जापान सरकारका एक अधिकारीले पनि प्रतिक्रिया दिँदै इरानी पक्षसँग प्रत्यक्ष वार्ता गर्नु नै प्रतिबन्ध हटाउने सबैभन्दा प्रभावकारी उपाय हुने बताएका छन्। साथै, उनले बाह्य प्रभाव, विशेषगरी अमेरिकी दबाब वा उक्साहटबाट जोगिन अत्यन्त सावधानी अपनाउनुपर्नेमा जोड दिएका छन्।
यो कदमले अन्तर्राष्ट्रिय जलमार्गमा आवागमन सहज बनाउने अपेक्षा गरिएको छ, विशेषगरी ऊर्जा आपूर्तिमा निर्भर देशहरूका लागि यसको महत्व उच्च मानिन्छ।
