काठमाडौं – लागूऔषध मुद्दा मिलाइदिन्छु भन्दै २ लाख रुपैयाँ ठगी गर्ने एक जनालाई प्रहरीले पक्राउ गरेको छ।
पक्राउ पर्नेमा मोरङ घर भएका छवी शर्मा रहेका छन्। उनले लागूऔषध सम्बन्धी मुद्दा मिलाइदिने प्रलोभन देखाउँदै पीडितबाट २ लाख रुपैयाँ असुलेको उजुरीका आधारमा अनुसन्धान अघि बढाइएको थियो।
प्रहरीले उनलाई उनकै घरबाट पक्राउ गरेको जनाएको छ। हाल उनीविरुद्ध ठगी तथा आपराधिक लाभ सम्बन्धी कसुरमा मुद्दा दर्ता गरिएको छ। जिल्ला अदालतबाट ७ दिनको म्याद थप गरी थप अनुसन्धान कार्य भइरहेको प्रहरीले जानकारी दिएको छ।
