काठमाडौं — चार दिनको लगातार गिरावटपछि नेप्सेमा सुधारको संकेत देखिएको छ। बिहीबार नेप्से सूचकांक ८.९७ अंकले बढेर २६७१.०७ मा पुगेको छ। यसले बजारमा थोरै उत्साह ल्याएको छ।
अन्य सूचकांकहरूमध्ये, सेन्सेटिभ सूचकांक १.५१ अंकले, फ्लोट सूचकांक ०.८५ अंकले, र सेन्सेटिभ फ्लोट सूचकांक ०.५६ अंकले वृद्धि भएको छ।
बजारमा कारोबार पनि गत दिनको तुलनामा बढेको छ। कुल २ करोड ७७ लाख ८० हजार भन्दा बढि कित्ता सेयर व्यापार भएको छ भने कुल कारोबार रकम ११.१० अर्ब रुपैयाँ पुगेको छ। यो अघिल्लो दिनको ८.६९ अर्ब रुपैयाँको तुलनामा उल्लेख्य वृद्धि हो।
मध्य भोटेकोशी जलविद्युत सकारात्मक मूल्य सर्किटमा पुगेको छ र रसुवागढी हाइड्रो करिब १०% ले बढेको छ । बजारमा सबैभन्दा ठूलो गिरावट कालिन्चोक दर्शनले देखाएको छ, जुन करिब ७.५९% घटेको छ।
१३ उपसमूहमध्ये ८ समूहमा वृद्धि भएको छ भने ५ समूहमा गिरावट आएको छ। डेभलपमेण्ट बैंक उपसमूहले सबैभन्दा बढी प्रतिशत वृद्धि देखाएको छ।
यो दिन नेप्सेमा सुधार र कारोबारमा वृद्धि भएको देखिएको छ, जसले लगानीकर्ताहरूमा सकारात्मक संकेत दिएको छ।
Leave a Reply