आज २ हजारले बढ्यो सुनको मूल्य

काठमाडौं – नेपाली बजारमा आज सुनको मूल्य वृद्धि भएको छ। नेपाल सुनचाँदी व्यवसायी महासंघका अनुसार फागुन २७ गते बुधबार सुनको मूल्य प्रतितोला २ हजार रुपैयाँले बढेको हो।

यससँगै आज छापावाल सुनको मूल्य प्रतितोला ३ लाख १९ हजार रुपैयाँ कायम भएको छ। यसअघि फागुन २६ गते मंगलबार सुन प्रतितोला ३ लाख १७ हजार रुपैयाँमा कारोबार भएको थियो।

त्यसैगरी, आज चाँदीको मूल्य भने स्थिर रहेको छ। आज चाँदी प्रतितोला ५ हजार ७२० रुपैयाँमा कारोबार भइरहेको महासंघले जनाएको छ। हिजो चाँदीको मूल्य ३१० रुपैयाँले बढेर प्रतितोला ५ हजार ७२० रुपैयाँ पुगेको थियो।